Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9420 sô dâ liep bî liebe lît,
        als ir und iuwer wîp sît,
        sô sol man wærlîchen
        den wîben doch entwîchen
        ze etelîcher stunde.
9425 ich hân ez ûz ir munde
        heimlîchen vernomen
        daz hin varn und wider komen
        âne ir haz mac geschehen.
        swie sis niht offenlîche jehen,
9430 si wellent daz man in niuwe sî
        und niht ze allen zîten bî.
        ouch zæme disiu vrouwe baz,
        diu disiu jâr hinne saz,
        under anderen wîben.
9435 wie ir mohtet belîben
        ein alsô wætlîcher man,
        wie mich des niht verwundern kan!
        wan bî den liuten ist sô guot.
        nû weder habet ir disen muot
9440 von iemannes gebote?
[ zurück ]