Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

382 si geleisten wol ein reine strô:
      dar über genuocte si dô
      eines bettes âne vlîz,
      daz bedahte ein lîlachen wîz.
      ouch was dâ ritters spîse:
387 swes ein man vil wîse
      möhte in sînem muote
      erdenken ze guote,
      des heten si die überkraft
      und volleclîche wirtschaft,
392 doch mans ûf den tisch niht truoc.
      in gap der reine wille genuoc
      den man dâ ze hûse vant:
      wan er ist aller güete ein phant.
      nû muget ir hœren mære
397 wer dirre alte wære,
      daz er den gast sô wol emphie
      und ers niht durch sîn armuot lie.
      er hete dâ vor gehabet ê
      guotes und ouch êren mê.
402 er was ein grâve rîche,
[ zurück ]