einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7133 wol zwô mîle oder mêdes waldes in gevangen und mit mûre umbegangen: dar in gienc dehein tor mê niuwan ûz gegen dem sê. 7138 mit mûre was der selbe kreiz, als ich iu ze sagen weiz, gelîche endriu gescheiden. daz ein teil von den beiden hâte rôtwildes genuoc: 7143 swarzwilt daz ander teil truoc. in dem dritten teile dâ bî, vrâget ir waz dar inne sî? dâ wâren inne besunder niuwan kleiniu kunder, 7148 vühse hasen und diu gelîche. ez was eht vil volleclîche erziuget dirre wiltban und alsô daz dehein man der doch gerne wolde jagen 7153 nimmer dörfte geklagen |