einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1238 er was schœne unde starc,er was getriuwe unde guot und hete geduldigen muot. er hete künste gnuoge, zuht unde vuoge.1243 er hete unredelîchen zorn mit senftem muote verkorn. alle tage er vriunt gewan und verlôs dar under nieman. sîne vreude und sîn klagen1248 kunde er ze rehter mâze tragen. lêre was er undertân und milte des er mohte hân, genendic swâ er solde, ein zage swâ er wolde,1253 den kinden ze mâze ûf der wîsen strâze. sîn wort gewan nie widerwanc. ern tete niht âne vürgedanc, als im diu wîsheit gebôt:1258 des enwart er nie schamerôt |