Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1928 vruo in einer messezît
        und vuorte in an sîner hant
        dâ er si an ir gebete vant
        und lie in si wol beschouwen.
        der truhsæze sprach zer vrouwen:
1933 'vrouwe, grüezet disen man,
        wande er iu wol gedienen kan.'
        vür einen gast enphie si ir kint:
        ouch was sîn herze dar an blint
        und im unkunt genuoc
1938 daz in diu selbe vrouwe truoc.
         Nû sach si in vlîzeclichen an
        und mê dan si deheinen man
        vordes ie getæte:
        daz kam von sîner wæte.
1943 dô si die rehte besach,
        wider sich selben si des jach,
        daz daz sîdîn gewant
        daz si mit ir selber hant
        zuo ir kinde hete geleit
1948 unde disses gastes kleit
[ zurück ]