Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3073 dâ wider wart er dô
        sînes muotes harte vrô,
        daz er in solde vüeren hin
        als er gelobete wider in:
        diu liebe und diu leide
3078 die macheten im beide
        ze sînem gâhenne daz
        daz er der tavele vergaz
        die er zallen zîten
        truoc bî sîner sîten.
3083 die îsenhalten truoc er dan
        unde gâhte nâch dem man.
         Er ruofte durch got daz er sîn bite.
        alsus vuorte er in mit unsite
        ûf jenen wilden stein.
3088 dâ beslôz er im diu bein
        vaste in die îsenhalten.
        er sprach: 'hie muostû alten.
        dich envüere mit sînen sinnen
        der tiuvel von hinnen,
3093 du enkumest hin abe niemer mê.'
[ zurück ]