Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3591 nu buten si im beide
        mit triuwen und mit eide
        der rede selhe sicherheit
        diu im dâ was vür geleit
        daz er si geloubete baz.
3596 er sprach: 'ich was ein vollez vaz
        süntlîcher schanden,
        dô ich mit disen banden
        bestatet wart ûf disen stein,
        diu ir hie sehent um mîniu bein.
3601 [diu ich hie trage mit sorgen.
        dô wart alsus geborgen
        der slüzzel dâ mit ich dar in
        alsô vaste versperret bin:
        der wart geworfen in den sê.
3606 der in dar warf der sprach niht mê,
        wan sô er in vünde,
        sô wære ich âne sünde.]
        nu ist niemens sünde alsô grôz,
        des gewalt die helle entslôz,
3611 des gnâde ensî noch merre.