Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3705 daz ich der tavele vergaz.'
        der vischære sprach: 'waz hülfe uns daz
        ob wir si suochten? dâ si lît,
        dâ ist si vûl vor maniger zît.
        ouwê, lieber herre mîn,
3710 jâ stuont daz selbe hiuselîn
        nâch iu niht zwelf wochen
        unz daz ez wart zebrochen:
        ich hân ez allez verbrant,
        beidiu dach unde want.
3715 ich truoc iu dô sô herten muot:
        unde wærez gewesen guot
        vür wint oder vür regen,
        ir enwæret dâ inne niht gelegen.
        dâ ê daz hiuselîn was,
3720 dâ wahset nû unbederbe gras,
        nezzelen und unkrût.'
         Do siufte der gotes trût:
        got er im sô helfen bat,
        er enkæme niemer von der stat,
3725 ob er ir niht vunde.
[ zurück ]