Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

436 bruoder, ich bin zwir tôt,
      an der sêle und an dem lîbe.
      ouwê mir armen wîbe,
      war zuo wart ich geborn?
      wande ich hân durch dich verlorn
441 got und ouch die liute.
      daz mein daz wir unz hiute
      der werlde haben vor verstoln
      daz enwil niht mêre sîn verholn.
      ich bewar vil wol daz ich ez sage,
446 aber daz kint daz ich hie trage
      daz tuot ez wol den liuten kunt.'
      nû half der bruoder dâ zestunt
      trûren sîner swester:
      sîn jâmer wart noch vester.
451 An disem ungewinne
      erzeicte ouch vrou Minne
      ir swære gewonheit:
      si machet ie nâch liebe leit.
      alsam ist in erwallen
456 daz honec mit der gallen.
[ zurück ]