Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1236 des sî mîn sêle iuwer pfant
        daz iu niht leides geschiht,
        wande iuch vürnamens nieman siht.
        nu wâ mite möht iu wesen baz,
        dan dazs iu alle sint gehaz,
1241 und ir sî seht bî iu stân
        unde drônde umbe iuch gân,
        und sî doch sô erblindent
        daz si iuwer niene vindent,
        und sît doch rehte under in.
1246 ouch tragent sî in vür iuch hin,
        sîne liebe gesellen,
        als si in begraben wellen,
        mînen herren, ûf der bâre.
        so beginnent si iuch zewâre
1251 in manegen ende suochen:
        desn durfet ab ir niht ruochen.
        tuont alsus und sît genesen:
        ichn tar niht langer bî iu wesen.
        und vunden sî mich hinne,
1256 daz kæme uns zungewinne.'
[ zurück ]