Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1401 ern lâze sich ouch ein wîp sehen?
        wand waz möht im von der geschehen?'
         Dô sî gesuochten genuoc
        und in sîn stein des übertruoc
        daz im niht arges geschach,
1406 wand in dâ nieman ensach,
        do gelac daz suochen under in.
        ir tôten truogen sî hin
        ze münster, dâ manz ambet tete
        mit vollem almuosen und mit gebete.
1411 dar nâch truogen si in ze grabe.
        von ir grôzen ungehabe
        wart dâ ein jæmerlîcher schal.
        diu juncvrouwe sich dô stal
        von dem gesinde dan
1416 und gruozte den verborgen man
        und trôst in als ein hövesch maget.
        ouch enwas her Îwein niht verzaget:
        im hete diu minne einen muot
        gegeben, als sî manegem tuot,
1421 daz er den tôt niht entsaz.