einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein459 lanc, scharpf, grôz, breit.im was daz houbet geleit daz im sîn rûhez kinnebein gewahsen zuo den brüsten schein. sîn rücke was im ûf gezogen,464 hoveroht und ûz gebogen. er truoc an seltsæniu cleit: zwô hiute het er an geleit: die heter in niuwen stunden zwein tieren abe geschunden.469 er truoc einn kolben alsô grôz daz mich dâ bî im verdrôz. Dô ich im alsô nâhen kam daz er mîn wol war genam, zehant sach ich in ûf stân474 unde nâhen zuo mir gân. weder wider mich sîn muot wære übel ode guot, desn weste ich niht die wârheit, und was iedoch ze wer bereit.479 weder er ensprach noch ich. |