einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6673 daz ez in dâ solde bestân:und ist daz sî betrouc ir wân, deiswâr, dazn wirt mir niemer leit. nû was der gast wol bereit: ouch kâmen die risen mit wer,6678 sî mohten ervürhten wol ein her. sî wâren gewâfent sêre sô daz an in niht mêre blôzes wan daz houbet schein, und die arme unt tiu bein.6683 die kolben die sî truogen, swelhes endes sî die sluogen, dane mohte niht vor bestân, und heten ouch grôzen mort getân. und als sî den grôzen leun6688 mit sînen wîten keun bî sînem herren sâhen stân und mit sînen langen clân die erde kratzen vaste, dô sprâchen sî zem gaste6693 'herre, waz wil dirre leu? |