einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage360 und hebet sich ûf von grunde ein wint- daz heizent sî selpwege - und machet grôze ündeslege und hât vil manigem den tôt gegeben ze bœsem wehsel für daz leben365 und vil manigen vesten kiel versenket in des meres giel. Dem gelîchet sich daz leben mîn. swenn ich mit freuden wæne sîn, sô rüerent mich die sorgen370 die ich dâ trage verborgen, und siufte ûf von grunde mit lachendem munde, und truobent mir diu ougen. der rede ist unlougen,375 wan daz ez unmanlich wære, weinen ich niht verbære. Mir wirt aber sus sô wê daz ich bî den liuten mê belîben niht getar.380 sô gân ich alters eine dar |