Gregorius
1423 ich wolde ê sîn dâ nieman ist,
ê daz ich über dise vrist belibe hie ze lande. jâ vertrîbet mich diu schande. diu wîp sint sô unverdaget:1428 sît si ez eines hât gesaget,
sô wizzen ez vil schiere drîe unde viere und dar nâch alle die hie sint.' Der abbet sprach: 'vil liebez kint,1433 nû lose: ich wil dir râten wol
als ich mînem lieben sol den ich von kinde gezogen hân. got hât vil wol ze dir getân: er hât von sînen minnen1438 an lîbe und an sinnen
dir vil vrîe wal gegeben, daz dû nû selbe dîn leben maht schephen unde kêren ze schanden oder ze êren.1443 nû muostû disen selben strît