Gregorius

484 in manigen gedanken.
      ein wīle er swīgende saz.
      er sprach: 'swester, gehabe dich baz.
      ich hān uns vunden einen rāt
      der uns ze staten gestāt
489 ze verhelne unser schande.
      ich hān in mīnem lande
      einen harte wīsen man
      der uns wol gerāten kan,
      den mir mīn vater ouch beschiet
494 und mir an sīne lźre riet,
      dō er an sīnem tōde lac,
      wande er ouch sīnes rātes phlac.
      den neme wir an unsern rāt
      (ich weiz wol daz er triuwe hāt)
499 und volge wir sīner lźre:
      sō gestāt unser źre.'
       Diu vrouwe wart des rātes vrō.
      ir vreude schuof sich alsō,
      als ez ir dō was gewant:
504 ir enwas kein ganziu vreude erkant.