Gregorius
560 daz ir geburt verswigen wese.
nū gedenke ich, ob ich wone die wīle mīner swester vone ūzerhalp dem lande, daz unser zweier schande565 sī verswigen deste baz.'
Der wīse sprach: 'sō rāte ich daz: die iuwers landes walten, die jungen zuo den alten, sult ir ze hove gebieten570 und die iuwerm vater rieten.
ir sult iuch wider si enbarn daz ir zehant wellet varn durch got ze dem heiligen grabe. mit bete gewinnet uns abe575 daz wir der vrouwen hulde swern
(des beginnet sich dā nieman wern), daz si des landes müeze phlegen unz ir belībet under wegen. dā büezet iuwer sünde580 als iuch des got geschünde.