Gregorius
613 waz touc der muot āne guot
oder guot āne muot? ein teil vrumet muot āne guot, noch bezzer ist guot unde muot. von diu sō dunket mich daz guot,618 si behabe guot unde muot:
sō mac si mit dem guote volziehen dem muote, sō rihte gote mit muote, mit lībe und mit guote.623 ouch rāte ich iu den selben muot.'
der rāt dūhte si beide guot und volgeten alsō drāte sīnem guoten rāte. Dō die herren über daz lant628 ze hove wurden besant,
dō si vür kāmen und ir herren vernāmen, sīner bete wart gevolget sā. dem alten bevalh er dā633 sīne swester bī der hant.