Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3630 ich emphie iuch mit zorne.
        diz was diu wirtschaft die ich iu bôt:
        ich gap iu schelten vür daz brôt,
        ich schancte iu ze vlîze
        mit manigem itewîze.
3635 sus behielt ich iuch ennaht
        mit unwirde und mit grôzem braht.
        alsus bin ich worden alt
        daz ich der sünde nie engalt.
        ez ist der sêle noch gespart:
3640 ichn genieze danne dirre vart
        die ich her mit triuwen hân getân,
        sô sol ichs vol ze buoze stân.
        darnâch volgte ich iuwer bete,
        wan daz ichz in hônschaft tete:
3645 ich brâhte iuch ûf disen stein.
        alsus beslôz ich iuwer bein
        und warf den slüzzel in den sê.
        ichn gedâhte an iuch niemer mê
        unz gester mîn sündigiu hant
3650 den slüzzel in einem vische vant.
[ zurück ]