Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

8062 ez wolde unser herre Krist,
        und wîste mich ûf die vart,
        daz er sô gâhes vunden wart,
        daz diu vremde von iu zwein
        wurde gesamenet in ein.
8067 sone sol iuch dan dehein ander nôt
        gescheiden nimmer âne den tôt.
        nû behaltet iuwer gewarheit
        unde lœsent den eit.
        vergebent im sîne missetât,
8072 wand er dehein ander vrouwen hât
        noch gewinnet noch nie gewan.
        diz ist her Îwein iuwer man.'
         Diu rede dûhte si wunderlich,
        und trat vil gâhes hinder sich.
8077 sî sprach 'hâstû mir wâr geseit,
        sô hât mich dîn karkheit
        wunderlîchen hin gegeben.
        sol ich dem vürdermâle leben
        der ûf mich dehein ahte enhât?
8082 deiswâr des het ich gerne rât.
[ zurück ]