einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5138 den geswar si nie mêre,und enheilte niht ze sêre, wan ze rehter mâze genuoc. dehein übel nie dar zuo gesluoc. allez argez ez vertreip: 5143 swaz ez guotes vant, daz beleip, und die dâ von genâsen, die überhuop ez mâsen, daz man die lîch ebene sach als dâ nie wunde geschach. 5148 mit disem phlaster verbant der küneginne hant des ritteres sîten. diu werlt ze deheinen zîten bezzer phlaster nie gewan. 5153 wundert nû deheinen man, derz gerne vernæme von wanne diz phlaster kæme, daz hâte Feimurgân, des küneges swester, dâ verlân 5158 lange vor, dô si erstarp. |