Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7993 ichn hân niht baz wider iuch getân,
        irn welletz danne baz enpfân,
        dan der des andern guot entnimt,
        und swenne ez ze geltenne gezimt,
        daz er im geltes ist gereit.
7998 ir entlihet mir michel arbeit,
        dô ich wære verbrant,
        ob irz niht hætet erwant.
        vür mînen lîp was iuwer leben
        ûf die wâge gegeben:
8003 dô gâbet ir mir disen lîp.
        ez verdienten niemer tûsent wîp
        die gnâde dier mir habt getân.'
        er sprach 'die rede sult ir lân.
        ir habt vaste überzalt:
8008 mir ist vergolten tûsentvalt
        swaz ich ie durch iuch getete.
        nû saget mir, liebe vrou Lûnete,
        weiz sî doch daz ich ez bin?'
        sî sprach 'daz wære der ungewin.
8013 sine weiz von iu, geloubet mirz,
[ zurück ]