Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1164 daz ir den lîp hânt verlorn.
        daz sî iuch nû niht hânt erslagen,
        daz vristet niuwan daz clagen
        daz ob mînem herren ist:
        sî slahent iuch ab an dirre vrist.'
1169 Er sprach 'so ensol ich doch den lîp
        niht verliesen als ein wîp:
        michn vindet nieman âne wer.'
        si sprach 'got sî der iuch ner:
        ern beschirme iuch eine, ir sît tôt.
1174 doch gehabte sich ze grôzer nôt
        nie man baz danne ir tuot:
        ir sît benamen wol gemuot.
        des sol man iuch geniezen lân.
        swie leide ir mir habt getân,
1179 ichn bin iu doch niht gehaz,
        und sage iu mêre umbe waz.
         Mîn vrouwe hete mich gesant
        ze Britanje in daz lant.
        dâ gesprach ich den künec von ir:
1184 herre, daz geloubet mir,
[ zurück ]