Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1744 'liebern tac? saget, herre, wie
        mac sich daz gevüegen?
        wan die iuch gerne slüegen,
        die seht ir hie umbe iuch gân:
        mac ein man danne hân
1749 guoten tac und senfte zît
        der ûf den lîp gevangen lît,
        ern wære danne des tôdes vrô?'
        er sprach 'mîn muot stât niender sô
        daz ich gerne wære tôt,
1754 und vreu mich doch in mîner nôt,
        und hân daz hiute getân
        und hân ouch noch ze vreuden wân.'
         Dô ez ir halbez wart gesaget,
        do erkande wol diu wîse maget
1759 daz er ir vrouwen meinde,
        als sî im sît bescheinde.
        sî sprach 'ir muget wol wesen vrô:
        wan ich gevüegez wol alsô
        mit etelîchem dinge
1764 daz ich iuch hinnen bringe
[ zurück ]