Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7089 wan dâ râmet er des man
        der den man vellen kan.
        daz wart dâ wol erzeiget:
        wandez was geneiget
        ir ietweder alsô sêre
7094 daz er dâ vor nie mêre
        sô nâhen kam dem valle,
        ern viele ouch mit alle.
        daz ir ietweder gesaz,
        daz enmeinde niht wan daz
7099 daz diu sper niht ganz beliben:
        wand sî kâmen dar getriben
        mit alsô manlîcher kraft
        daz ir ietweders schaft
        wol ze hundert stücken brach,
7104 und daz männeclîch dâ jach
        ern gesæhe schœner tjost nie.
        ez liefen kreiierende hie
        behender garzûne gnuoc,
        der ietweder truoc
7109 driu sper ode zwei.
[ zurück ]