Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6655 erne wâfente sich zehant,
        und nâch dem orse wart gesant.
        daz was die naht sô wol bewart
        daz ez nie bî im enwart
        gekunrieret alsô schône.
6660 daz ims doch got niht lône
        der daz sô vlîzeclîchen tete!
        wand ez was ân des gastes bete.
        der dinge verkêret sich vil,
        daz einer dem andern schaden wil
6665 und daz er im vil gar gevrumt:
        swelch dienest sô ze staten kumt
        daz er im liep unde guot
        sô wider sînen willen tuot,
        des lôn wirt von rehte kranc.
6670 ern darf im niemer gesagen danc
        umb sînes rosses gemach,
        wand ez im ûf den wân geschach
        daz ez in dâ solde bestân:
        und ist daz sî betrouc ir wân,
6675 deiswâr, dazn wirt mir niemer leit.
[ zurück ]