Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

1485 daz ich gesunt worden bin,
         wie ichz verschulde wider in.<
         si sprâchen: >nemet einen muot
         daz im lîp unde guot
         iemer undertænic sî.<
1490 sîn trûtgemahel stuont dâ bî
         die er vil güetlich ane sach.
         er umbevienc si unde sprach:
         >iu ist allen wol gesaget
         daz ich von dirre guoten maget
1495 mînen gesunt wider hân,
         die ir hie sehet bî mir stân.
         nû ist si vrî als ich dâ bin;
         nû rætet mir al mîn sin
         daz ich si ze wîbe neme.
1500 got gebe daz es iuch gezeme,
         sô wil ich si ze wîbe hân.
         zewâre, mac daz niht ergân,
         sô wil ich sterben âne wîp,
         wan ich êre unde lîp
1505 hân von ir schulden.
[ zurück ]