Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1022 saget mir in der minne,
        wâ habet irz genomen?
        wie ist ez iu zuo komen?
        daz wil ich wizzen, crêde mich.'
        dô bedâhten si sich
1027 und sageten im als ich iu ê,
        wie si ez vunden ûf dem sê.
        nû hiez erz heben ûf den sant
        unde lœsen abe diu bant.
        dô sach er ligen dar inne
1032 seltsæne gewinne,
        ein kint, daz im sîn herze jach
        daz er sô schœnez nie gesach.
         Der ellende weise,
        wande er deheine vreise
1037 gevürhten niene kunde,
        mit einem süezen munde
        sô lachete er den abbet an.
        und alsô der gelêrte man
        an sîner tavele gelas
1042 wie daz kint geborn was,
[ zurück ]