Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6652 dicke vliuhet grôzen schal
        ûf die burc ûz dem tal.
        sô vluhen dise ûz dem hûs
        und sluffen ze loche sam diu mûs.
        in wart daz wîte bürgetor
6657 beidiu dar inne und ouch dâ vor
        ze wênic und ze enge,
        sô daz si mit gedrenge
        vielen über mûre
        gelîch einem schûre,
6662 wan si diu grimme vorhte treip.
        Lîmors liutlôs beleip.
        vliehens gienc in michel nôt,
        wan si vorhten den tôt.
        ir vluht was âne schande.
6667 swer inz ze laster wande,
        der überspræche sich dar an.
        nû sprechet, swâ ein tôter man,
        mit bluotigen wunden,
        gerêwet, in gewunden
6672 houbet unde hende,
[ zurück ]