einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1298 ûf dem hûs ze Tulmein,der ie ein wârer degen schein, und dô vrouwe Ênîte behertet wart mit strîte, sîns gelückes wâren dô 1303 vil herzenlîche vrô arme unde rîche und jâhen alle gelîche, dâ enwære dehein zwîvel an, er enwære der tiuriste man 1308 der ie kæme in daz lant. dâ enwas nieman zehant dem sîn sige wære leit: si prîsten sîne manheit. ir spil begunden si mêren 1313 dô ze sînen êren. grôz bûhurt huop sich dâ unde tanzen anderswâ. in entwâfente der herzoge Îmâin: in ir schôz leite in 1318 daz kint vrouwe Ênîte |