einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1047 daz si dar nâch deheine nôt liten umbe des kindes tôt. Sus vuor engegen Salerne vrœlich und gerne diu maget mit ir herren. 1052 waz möhte ir nû gewerren wan daz der wec sô verre was, daz si sô lange genas? dô er si volbrâhte hin als er gedâhte 1057 dâ er sînen meister vant, dô wart ime dâ zehant wærlîchen gesaget, er hete brâht eine maget die er in gewinnen hiez. 1062 dar zuo er in si sehen liez. daz dûhte in ungelouplich. er sprach: >kint, weder hâstû dich dises willen selbe bedâht ode bistû ûf die rede brâht 1067 von bete ode dînes herren drô?< |