einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6778 und swâ er ungewâfent schein,dâ gap er im vil manegen slac. wan jener der dâ nider lac, dern moht im niht ze staten komen: wand im hete der lewe benomen6783 sô gar die kraft untten sin daz er vür tôt lac vor in. dô vâhten sî in dô an, beide der lewe untter man, und heten in vil schier erslagen,6788 und doch unglîch einem zagen: wander gap in manegen herten streich, sît daz im diu helfe entweich. der ander lebete dannoch: der muose sich im iedoch6793 gar in sîn genâde geben: dô liez er in durch got leben. daz sich des portenæres drô unde sîn spot alsô ze vreuden hât gekêret,6798 des sî got iemer gêret. |