Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2566 swie schalkhaft Keiî wære,
        er was iedoch vil unervorht.
        enheten sîn zunge niht verworht,
        son gewan der hof nie tiurern helt.
        daz mugent ir kiesen, ob ir welt,
2571 bî sînem ampte des er pflac:
        sîn hete anders niht einen tac
        geruochet der künec Artûs
        ze truhsæzen in sînem hûs.
         Nû wârens under in beiden
2576 des willen ungescheiden:
        ir ietweder gedâhte sêre
        ûf des andern êre:
        ir gelinge was ab mislîch.
        diu tjost wart guot unde rîch,
2581 und der herre Keiî,
        swie bœse ir wænet daz er sî,
        er zestach sîn sper unz an die hant.
        dâ mite wart ouch er gesant
        ûz dem satel als ein sac,
2586 daz ern weste wâ er lac.
[ zurück ]