einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6671 umb sînes rosses gemach,wand ez im ûf den wân geschach daz ez in dâ solde bestân: und ist daz sî betrouc ir wân, deiswâr, dazn wirt mir niemer leit.6676 nû was der gast wol bereit: ouch kâmen die risen mit wer, sî mohten ervürhten wol ein her. sî wâren gewâfent sêre sô daz an in niht mêre6681 blôzes wan daz houbet schein, und die arme unt tiu bein. die kolben die sî truogen, swelhes endes sî die sluogen, dane mohte niht vor bestân,6686 und heten ouch grôzen mort getân. und als sî den grôzen leun mit sînen wîten keun bî sînem herren sâhen stân und mit sînen langen clân6691 die erde kratzen vaste, |