einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4932 den gast begunde erbarmendiu grôze nôt die sî liten. ir pfärit wâren, diu sî riten, tôtmager und vil kranc: ir ietwederz strûchte und hanc.4937 die vüeze wâren in unden zesamene gebunden und die hende vaste ze rücke mit baste. den gurren die sî truogen hin,4942 den wâren die zagele under in zesamene gevlohten, daz sî niene mohten ein ander entwîchen. dô sî sô jæmerlîchen4947 ir edel vater rîten sach, daz im sîn herze niene brach von jâmer, des wundert mich: wandez was wol jæmerlich. Sus vuorters vür daz bürgetor:4952 dâ hôrten sî in ruofen vor, |