Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6624 die andern gâben die vluht.
        dâne warte eht niemen deheiner zuht:
        man sach dâ niemen hôher stân:
        "herre, welt ir vür gân,"
        wande swem der wec wart,
6629 der huop sich an die vart,
        ez was in sô geschaffen,
        die leien vür die phaffen:
        swie hôhe er wære beschorn,
        er wart dô lützel ûz erkorn,
6634 ez wære abbet od bischof.
        hie vlôch aller der hof.
        zen türn wart vil enge
        von grôzem gedrenge:
        der kneht vür sînen herren dranc.
6639 der wec dûhte si vil lanc
        der zen türn ûz gie.
        si enkâmen ze selher brûtlouft nie,
        ein schrit was in ein raste.
        si begunden vaste
6644 vliehen unde wenken.
[ zurück ]