Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3975 daz mir benamen wirt benomen
        der aller liebiste man
        den ie wîp mêr gewan,
        ez ensî daz ich in warne.
        ouch weiz ich daz ichz arne,
3980 zebriche ich aber sîn gebot.
        nû rât mir, herre, rîcher got!
        des enwart mir nie sô nôt.
        ich weiz wol, ez ist mîn tôt,
        wan er hât mirz nû zwir vertragen.
3985 waz aber von diu, wirde ich erslagen
        unde nimt er mir den lîp?
        dannoch lebet manec vrum wîp.
        ich enbin ouch niht sô klagelîch:
        sô ist er edel unde rîch,
3990 mîn lieber herre.
        ê im iht gewerre,
        sô wil ich kiesen den tôt."
        ir triuwe ir daz gebôt
        daz si ze sînem bette gie
3995 und bôt sich vür in an ir knie
[ zurück ]