einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6744 waz er getân hâte.nâch vrouwen Enîten râte, wan si in den wec lêrte, ûf die strâze er kêrte die er gebâret dar reit: 6749 daz geschach durch gewarheit. ez wâren disiu driu lant an ein ander gewant unde nâhen genuoc, daz dâ er den grâven sluoc, 6754 und aber des wênigen man von dem er die wunden gewan, und des künec Artûses gewalt. disiu driu schiet niuwan der walt dâ er enmitten inne reit 6759 nâch dirre arbeit. und als si kâmen in den walt ûz der sorgen gewalt wider ûf ir kunden wec, nû vrâcte der künec Êrec 6764 vrouwen Ênîten mære |