Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8149 sô enmac mir niht missegân:
        und wil er mirs niht bîten,
        sô mac ich ze disen zîten
        alsô mære sterben,
        sô der lîp doch muoz verderben."
8154 er was eht herzen sorgen vrî
        nû reit er zuo und gruozte sî
        mit lachendem munde.
        nû huop er dâ ze stunde
        ein vil vrœlîchez liet.
8159 nû murmelte aber diu diet:
        "nû schînet du enwizzest niht wol
        waz dir hie geschehen sol.
        nû enist doch leider dar niht lanc
        daz dîn vrœlîchez sanc
8164 ein vil riuwic ende gît:
        daz geschiht ê morgen ze dirre zît.
        möhtestû wizzen und dîn wîp
        daz dû dînen gelphen lîp
        solt als unlange hân,
8169 sô liezestû dîn singen stân."
[ zurück ]