einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1648 sô er schierist mohte.Grêgôrius, dô er ritter wart, dannoch hete er im niht enbart umbe sîn tavel und umbe sîn golt. er was im alsô starke holt1653 daz erz in hal durch einen list. er gedâhte: 'sît er nû ritter ist und er des guotes niene hât, sô hœret er lîhte mînen rât und belîbet noch durch guot gemach.'1658 er versuochtez aber unde sprach: 'noch belîp, lieber sun, bî mir. dêswâr ich gevüege dir ein alsô rîche hîrât diu wol nâch dînem willen stât1663 unde gibe dir al die vrist daz dû vil schône varende bist. dû hâst gewunnen ritters namen: nû muostu dich dîner armuot schamen. nû waz touc dîn ritterschaft,1668 du enhetest guotes die kraft? |