Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2304 nu gemarhte diu juncvrouwe daz,
        swenne si in dar in verlie,
        daz er dar lachende gie
        und schiet ie als ein riuwic man
        mit rôten ougen dan.
2309 Nû vleiz si sich iemer mêre
        heimlichen sêre
        wie si daz rehte ersæhe
        wâ von diu klage geschæhe
        und sleich im eines tages mite,
2314 dô er aber nâch sînem site
        ze kemenâten klagen gie.
        dô was diu juncvrouwe hie
        und barc sich unz si rehte gesach
        sînen klägelîchen ungemach
2319 und daz er an der tavel las,
        alse sîn gewonheit was.
        dô er des harte vil getete
        mit weinen unde mit gebete,
        dô truckente er diu ougen
2324 und wânde sîniu tougen
[ zurück ]