Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3063 ich engerüefe dir niemer mê.'
        alsus gâhte er zuo dem sê.
         Dô diz daz guote wîp ersach,
        si wahte in ûf unde sprach:
        'wiltû varen, guot man,
3068 sich, dâ sûmestû dich an.
        mîn wirt wil varen ûf den sê.'
        dô enwart niht gebiten mê.
        er vorhte im grôzer swære,
        daz er versûmet wære;
3073 dâ wider wart er dô
        sînes muotes harte vrô,
        daz er in solde vüeren hin
        als er gelobete wider in:
        diu liebe und diu leide
3078 die macheten im beide
        ze sînem gâhenne daz
        daz er der tavele vergaz
        die er zallen zîten
        truoc bî sîner sîten.
3083 die îsenhalten truoc er dan
[ zurück ]