einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich508 der müese unsern vluoch hân.< alsus gesweicten si si dô. die naht beleip si unvrô und morgen allen den tac. swes iemen anders phlac, 513 diz enkam von ir herzen nie, unz si des andern nahtes gie slâfen nâch gewonheit. dô si sich hâte geleit an ir alte bettestat, 518 si bereite aber ein bat mit weinenden ougen; wan si truoc tougen nâhen in ir gemüete die aller meisten güete 523 die ich von kinde ie vernam. welh kint getete ouch ie alsam? des einen si sich gar bewac, gelebete si morgen den tac, daz si benamen ir leben 528 umbe ir herren wolde geben. |