Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1158 daz ist iuwer jungestiu zît.
        ir habet mînen herrn erslagen.
        man mac sô jæmerlîchez clagen
        an mîner lieben vrouwen
        und an dem gesinde schouwen,
1163 und sô grimmeclîchen zorn,
        daz ir den lîp hânt verlorn.
        daz sî iuch nû niht hânt erslagen,
        daz vristet niuwan daz clagen
        daz ob mînem herren ist:
1168 sî slahent iuch ab an dirre vrist.'
         Er sprach 'so ensol ich doch den lîp
        niht verliesen als ein wîp:
        michn vindet nieman âne wer.'
        si sprach 'got sî der iuch ner:
1173 ern beschirme iuch eine, ir sît tôt.
        doch gehabte sich ze grôzer nôt
        nie man baz danne ir tuot:
        ir sît benamen wol gemuot.
        des sol man iuch geniezen lân.
1178 swie leide ir mir habt getân,
[ zurück ]