Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1242 unde drônde umbe iuch gân,
        und sî doch sô erblindent
        daz si iuwer niene vindent,
        und sît doch rehte under in.
        ouch tragent sî in vür iuch hin,
1247 sîne liebe gesellen,
        als si in begraben wellen,
        mînen herren, ûf der bâre.
        so beginnent si iuch zewâre
        in manegen ende suochen:
1252 desn durfet ab ir niht ruochen.
        tuont alsus und sît genesen:
        ichn tar niht langer bî iu wesen.
        und vunden sî mich hinne,
        daz kæme uns zungewinne.'
1257 Sus hete sî urloup genomen.
        die liute die dâ wâren komen
        zuo dem vordern bürgetor,
        die vunden dâ vor
        daz ros halbez abe geslagen.
1262 wer moht in daz dô widersagen?
[ zurück ]