Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1492 alsus erwant in ir zorn.
        sî sprach 'wes was iu gedâht?
        wær iuwer gedanc volbrâht,
        sone hetent ir niht wol gevarn.
        ichn trûwe iu den lîp niht bewarn,
1497 ezn sî dan iuwer wille.
        durch got sitzent stille.
        er ist ein vil wîser man
        der tumben gedanc verdenken kan
        mit wîslîcher getât:
1502 swes sin aber sô stât
        daz er an allen dingen
        wil volbringen
        mit den werken sînen muot,
        daz enist niht halbez guot.
1507 gedenket ir deheiner tumpheit,
        der muot sî gar hin geleit:
        hât ab ir deheinen wîsen muot,
        den volvüeret, daz ist guot.
        herre, ich muoz iuch eine lân
1512 und vil drâte wider gân
[ zurück ]