Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7569 'daz sich dehein mîn êre
        mit iuwerm laster mêre!
        des prîses hân ich gerne rât,
        des mîn vriunt laster hât.
        waz töhte ob ich mich selben trüge?
7574 swaz êren ich mich ane züge,
        sô hânt sî alle wol gesehen
        waz under uns ist geschehen.
        ich sicher unde ergibe mich:
        der sigelôse der bin ich.'
7579 Her Îwein antwurt aber dô
        'ir wænet lîhte daz alsô
        disiu sicherheit geschehe
        daz ich ir iu ze liebe jehe.
        wæret ir mir der vremdest man
7584 der ie ze Riuzen hûs gewan,
        ê ir mich sô bestüendent mê,
        zewâre ich sicherte iu ê.
        von rehte sicher ich von diu.'
        'nein, herre geselle, ich sicher iu,'
7589 sprach mîn her Gâwein.
[ zurück ]