einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein800 des hôrtent ir mich ouch nû jehen.sî iuwer deheinem geschehen baz, ob er nû welle, der sage ouch daz.' Dô rechent der herre Îwein ze künneschaft under in zwein:805 er sprach 'neve Kâlogrenant, ez richet von rehte mîn hant swaz dir lasters ist geschehen. ich wil ouch varn den brunnen sehen, und waz wunders dâ sî.'810 dô sprach aber Keiî ein rede diu im wol tohte; wan ers niht lâzen mohte, geschach ie man dehein vrümekheit, ezn wær im doch von herzen leit.815 'ez schînet wol, wizze Krist, daz disiu rede nâch ezzen ist. irn vastet niht, daz hœr ich wol. wînes ein becher vol der gît, daz sî iu geseit,820 mêre rede und manheit |