Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1322 daz ist ein herze âne haz.
        dâ sol er sî inne tragen,
        sô wil ich dir daz zewâre sagen
        daz im diu sælde ist bereit
        unz er sî bî im treit.
1327 Hetest dû der krûte gewalt
        diu ich dir, lîp, hân vor gezalt,
        nû sich, des vazzes lîhe ich dir,
        wan daz erkenne ich an mir.
        nu gebristet dir ir sêre.
1332 sô aber dû ir ie mêre
        mügest gewinnen, lîp, daz tuo,
        wan dâ râte ich dir zuo,
        und enblandez dînem lîbe;
        wan sol eht dir von wîbe
1337 iemer rehte wol ergân,
        sô muost dû diz zouber hân.
        ouch ist ez eines dinges guot,
        daz man ez âne laster tuot
        und âne grôze sünde.
1342 wol in der ir hât künde!
[ zurück ]