Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

6296 dâ man vil wîbe ensament siht:
        wan dâ wonte in armuot
        bescheiden wille unde guot.
        sî wurden dicke schamerôt,
        dô er in sînen dienest bôt,
6301 diu ougen trüebe unde naz,
        die wîler under in saz.
        ouch muot in sêre ir arbeit.
        er sprach 'enwærez iu niht leit,
        sô het ich gerne vrâge
6306 iuwer ahte und der mâge.
        ist iuch disiu armuot an geborn,
        sô hân ich mînen wân verlorn.
        ich sihe wol daz iu wê tuot
        diu schame der selben armuot,
6311 und versihe michs dâ von:
        swer ir von kinde ist gewon,
        dern schamt sich ir sô sêre niht
        als man hie an iu gesiht.
        nune saget mir minre noch mê
6316 wan rehte wiez dar umbe stê.

[ zurück ]